Það fylgir brúðkaupum mikið stress og kannski sérstaklega hjá föður brúðarinnar ef eitthvað er að marka það sem sagt er.
Til allrar óhamingju þurfti Gunni að fara á Selfoss snemma á laugardagsmorguninn og hann greinilega búin að gleyma í stressinu að rafhliðið átti bara að vera opið eftir hádegi og gaf því hliðinu einn á´ann og það gaf sig.
Auðvitað er þetta hundfúlt því þessu fylgir útgjöld sem fáir vilja lenda í.
Fanney í Eyjabóli sem fyrst kvenna varð til þess að keyra á hliðið sá þetta á laugardaginn og sagði „Hver var að keyra á mitt hlið?“ og sagði að hún héldi að þetta gæti hún bara gert.
Ástæða þess að þetta er sett hér inn er að minna fólk á að í gegnum hliðið á bara einn bíll að fara í einu og á föstudagskvöldið lá við að bíll fengi slána í sig þar sem hann elti annan.
Auðvitað var hliðvörurinn kallaður út enda lumaði hann á aukakjálka enda viðbúinn því að Fanney yrði ekki sú eina.
Formaðurinn að sýna listir sínar með Dewalt vélinni sinni
Takið eftir hvað veðrið er alltaf yndislegt í Kerhrauninu á sumrin