Um þessar mundir stendur yfir undirbúningur fyrir fjölskylduhátíð Kerhraunsins, „VERSLÓ 2014“ sem haldin verður 2. ágúst nk.
Hátíðin hefur verið vel heppnuð undanfarin ár og hafa Kerhraunarar og fjölskyldur þeirra sýnt sig og séð aðra þessa helgi í Kerhrauninu.
Af föstum dagskrárliðum má nefna:
MINI Ólympíuleikarnir 2014 hefjast stundvíslega kl. 13:00, stundvíslega kl. 13:00 við gatnamótin hjá Sóley.
Ratleikur er auðvitað aðalmálið enda spennandi úrlausnarefni, fer hann fram á göngustígunum á stóra útivistarsvæðinu.
Þar verðu heljarinnar hátíð þar sem fyrsta leiktæki Kerhrauns verður vígt formlega með ræðu formanns í bundnu máli segja menn sem vel til þekkja.
Fulltrúi „Fimleikafélag Kerhrauns“ tók róluna út
Eftir vígsluna verður haldið heim á grasblettinn hjá Sóley og Gunna, þar fara fram þrautaleikir bæði fyrir börn og fullorðna sem verður örugglega hin mesta skemmtun eins og alltaf.
Fastlega má reikna með fleiri þúsundum gesta á brennuna kl. 20:00 á laugardagskvöldinu þar sem verðlaunaafhending barna fer fram og söngur og sprell að hætti hússins.
Elfar verður brennustjóri enda vandfundinn annar eins brennuvargur…))
Formaðurinn hefur lagt gríðarlega mikla vinnu í að kynna sér hver á hvaða lóð og hver býr í hvaða húsi, það er því ekki úr vegi að láta á það reyna hvort hann man eitthvað af þessum lærdómi þetta kvöld eða stendur á eintali við menn til að pína upp úr þeim hverra manna þeir séu eða á hvað lóð þeir búi…)))
Það stefnir því í enn eina skemmtilega fjölskylduhátíð þar sem Kerhraunarar og gestir gleðjast á „VERSLÓ 2014“.