Sjálfbær þróun er þróun sem mætir þörfum nútímans án þess að skerða möguleika komandi kynslóða. Slík þróun snýst um að auka efnahagsleg verðmæti um leið og gæðum náttúrunnar er viðhaldið fyrir alla Kerhraunara til langs tíma, því gerðist það dag einn þegar Þráinn var hættur að sjá til sólar fyrir rabbabarablöðum að hann greip til sinna ráða og hringdi í „Mömmu sultu“, bauð henni að fá eins mikinn rabbabarana og hún gæti borið og með þessari aðgerð stuðlaði hann að sjálfbærri þróun.
Ekki leið á löngu þar til sást til tveggja kvenna skríðandi í brekku Þráins höggvandi allt niður sem líktist rabbabara, áður en þær vissu af voru allir pokar fullir og þær sammála um að magnið myndi duga í 1000 og 1 sultu sem væri nú frekar mikið miðað við söluna í MegaStore og því þyrfti að huga að nýrri framleiðslu.
Stundum er talað um að eitthvað sé sjálfbært t.d. sjálfbær neysla, sjálfbær nýting rababara, sjálfbær framleiðsla. Hvað er átt við með þessu? jú það mælir sem sé ekkert á móti því að hætta við sulturgerðina, og skella sér út í nýja framleiðslu, það var gert í þetta sinn og nú er bara að bíða og sjá til hvernig til tekst.
.
Þeir sem ekki þekkja til sultugerðar þá skal það tekið fram að hún fer fram með fremur penum tækjum og tólum og lýkur svo með því að á borðinu stendur 1000 og 1 sultukrukka.
Í þetta sinn voru sum tólin stærri og ekki dugði annað en að fá „Maó formann“ í verkið enda tekur á að þurfu að hrista dallinn 3 x 1 á dag í allt að hálfan mánuð og með vana menn í verkið gengur þetta og hvern hlakkar ekki til að gæða sér á sultunni með haustinu..)))
.
