Enn og aftur er að koma vor og við í Kerhrauninu komin á skrið með að skipuleggja vor- og sumarverkin, þrátt fyrir að við eigum langt í land með að týnast í skóginum þá er félagið okkar og félagsmenn sjálfir að vinna markvist að því að gróðursetja, það kemur að því að þetta fer að sjást enda búið að gróðursetja nokkur þúsund plöntur í Kerhrauninu á síðustu árum.
Nú er komið að því að bjóða félagsmönnum að vera með í pöntun frá Skógræktinni og þeir sem hafa áhuga á að vera með þurfa að senda pöntunina á gudrunmn@simnet.is fyrir 6. maí nk.
Í boði eru eftirfarandi plöntur:
Stafafura 0,50 – 1.00 m – kr. 1.900 – lítil
Stafafura 1,00 – 1,50 m – kr. 3.800 – stór
Birki 1,50 – 2,00 m – kr. 3.800
Alaskaösp 1,50 – 2,00 m – kr. 3.300
Sitkagreni 1,00 – 1,50 m – kr. 7.300
Lerki 1,00 – 1,50 m – kr. 3.000
Rauðgreni 1,00- 1,50 m – kr. 6.100