Dag einn þegar formaðurinn og Kjartan nágranni hans hittust þá fóru þeir að ræða saman um að það væri nú gaman að losna við fj—- rauðamalarrykið, ein leið til þess væri að skella slatta af grárri möl úr Ingólfsfjalli í plönin, ekki leið á löngu þar til Hans var búinn að ræða við Hall, Kerhraunara með meiru og samningar voru handsalaðir. Hans og Kjartan fengju örugglega gráa möl frá Halli Kerhraunara.
Í dag þriðjudaginn 12. júní átti Hans von á því að Hallur birtist með mölina, viti menn, eftir að hafa horft á framkvæmdir við vegina á svæðinu birtist allt í eins þessi þá heljarinnar bílalest og Hans varð eitt spurningarmerki.
Hvað var að gerast? Var Faxaverk mætt á staðinn og voru þeir á leið að búa til malarfjall í sjálfu Kerhrauninu, lestin leið áfram og Hans skellti af mynd til að eiga sönnur fyrir því að ráðist hefði verið ínn í Kerhraunið, varð honum frekar brugðið þegar bílarnir fóru að nálgast hans hús og viti menn var ekki Hallur mættur með allan þennan flota eingöngu til að uppfylla óskir Hans og Kjartans að losna við rauðamalarrykið.
Eftir situr fréttaritari Kerhraunsins og klórar sér í skallanum og spyr sjálfa sig þessarar spurningar – Hvað eru þessir menn H&K eiginlega með stór plön?
